MondoSonoro Discos

Dirudienez, zazpi kantu hauek bueltaka zebiltzan aspaldidanik Jon Kirru Iparragirreren buruan. Keikerekin amaitu, Xarma ere bai, eta bakarka hasi zen lanean: etxean eta ordenagailuaren aurrean. Julen de Diego eta Epi Ruiz Etxano alboan hartu eta Hara! jarri zuten martxan.

Zazpi kantu baino ez, hasiera apala, eta hiruko formatuan. Hori bai, grabazioan Juan Sangreren (Governors), Keuren eta Garoa Arizmendiren laguntza jaso dute. Grabazioa Mutrikuko AME estudioetan egin dute, Axular Arizmendiren eskutik.

Indarra dakar lehen disko honek: gitarra oinarri, baina bateriak eta baxuak erro sendoak eskaintzen dizkie kantuei. Rocka du oinarrian, baina hainbat estilo etortzen zaizkigu burura. Melodia ahotsetan eta zorroztasuna gitarretan. Rock iluna, baina esperantzarako tarteekin.

Berri Txarrak, Kuraia, Skunk Anansie… disko aurrera doan heinean, gainera, izen gehiago eta gehiago datozkigu burura. Zuzenean, power-trio formatuan, irabazten duen banda horietako bat da ziur. Horretan hasi dira. Ez galdu aukera.

MÁS SOBRE HARA!
Comentarios

Deja un comentario

Este sitio usa Akismet para reducir el spam. Aprende cómo se procesan los datos de tus comentarios.

Uso de cookies

Utilizamos cookies para mejorar nuestro sitio web y su experiencia al usarlo. Las cookies utilizadas para el funcionamiento esencial de este sitio ya se han establecido. Para obtener más información sobre las cookies que utilizamos y cómo eliminarlas, ver nuestra Política de cookies

ACEPTAR
Aviso de cookies