Barakaldokoek hirugarren diskoaren aurrerapen EP hau atera berri dute. Lanaren azalean pertsonen besoak eta sustraiak batzen dituen diseinu deigarria aurkitzen dugu. Entzuten hasi orduko, “Hiltzen naizen bakoitzean” abestiaren riff indartsu eta metaleroak berehala harrapatzen gaitu. Orokorrean, soinu gogorrak eta rap-aren gordintasunarekin abestutako letrak dira nagusi, “Koba” eta “Aska” kantuetan bezala, eta hori gutxi iruditzen bazaigu, trash estiloaren abiadurarekin ere bikain aritzen dira “Letaginak” deituriko misil horretan. Hori guztia aurrerapen bat baino ez dela kontutan hartuta. Listoia gero eta altuago jartzen ari dira, eta hori, dudarik gabe, seinale ona da.
Lo siento, debes estar conectado para publicar un comentario.